Poslovne vijesti - Makedonija

Генерален застапник на Циско, Моторола, ИМБ, Леново...

Македонската компанија Сифехс со долгогодишно искуство во дизајн, продажба, инсталација, интеграција и одржување на телекомуникациски системи и мрежи, стана генерален застапник за Македонија на водечкиот меѓународен дистрибутор РРЦ на високо-технолошки производи и услуги од светски познатите брендови како Циско, Моторола, ИМБ, Леново, Аваја, АПЦ, ЕМЦ.

Генералното застапништво на РРЦ од страна на Сифехс ќе овозможи претставување на македонскиот пазар на комплетно нови технологии преку воведување на најновата генерација на деловни ИТ производи и услуги меѓу кои автоматска идентификација, внес на податоци и мобилни производи, бази на податоци и виртуелизација, гласовна, информациска и видео комуникација, поврзување и безбедносни системи, кои веќе се составен дел од големи меѓународни телекомуникациски компании, финансиски институции, нафтени компании, а во поново време и од се поголем број државни институции. Новото застапништво ќе придонесе за осмислување и реализирање на уште поиновативни и понапредни бизнис-решенија што ќе им даде конкурентска предност на оние македонските компании кои ќе се решат да инвестираат во квалитетни ИТ платформи.